Lögreglan á Vestfjörðum þurfti í síðustu viku tvívegis að hafa afskipti af ölvuðum strandveiðisjómönnum.
Á þriðjudag hafði lögreglan afskipti af skipstjóra strandveiðibáts á Patreksfirði vegna gruns um að hann væri ölvaður.
Daginn eftir á miðvikudag var annar skipstjóri strandveiðibáts handtekinn í Önundarfirði.
Sá er grunaður um að hafa stýrt báti sínum ekki allsgáður og fleiri brot á Siglingarlögum. Skipstjórinn fór ekki að fyrirmælum lögreglunnar og var kallað eftir aðstoð landhelgisgæslunnar sem var með varðskip ekki fjarri.
Rannsókn þessara tveggja mála stendur yfir hjá lögreglunni á Vestfjörðum.
