Lögreglan varar við svikapóstum

Lögreglan á Vestfjörðum varar við svikapóstum sem hafa verið að berast almenningi, hvort heldur í formi sms-boða eða með tölvupósti.

Í mörgum þessum póstum er verið að biðja móttekendur um að uppfæra persónuupplýsingar og fl.

Oft er þetta sent eins og erindið komi frá bankastofnunum eða öðrum sem eru með viðskiptavini í þjónustu.

Lögreglan á Vestfjörðum hefur fengið tilkynningar um a.m.k. tvö tilvik þar sem grunlausir móttakendur hafa orðið við þessum erindum og hlotið skaða af, sendandinn hefur þá komist inn á bankareikninga viðkomandi og tekið umtalsvert fé út.