Reykhólahreppur: Ásta Sjöfn skrifstofustjóri næsta árið

Ásta Sjöfn Kristjánsdóttir

Ásta Sjöfn Kristjánsdóttir hefur verið ráðin í starf skrifstofustjóra Reykhólahrepps til eins árs, í stað Guðrúnar Guðmundsdóttur sem hefur fengið árs leyfi.  Hún tekur við störfum um næstu mánaðamót.

Þetta kemur fram á vef Reykhólahrepps.

Ásta Sjöfn býr eins og mörgum er kunnugt á Litlu – Grund, ásamt manni sínum Guðmundi Ólafssyni. Hún kom upphaflega sem kennari við Reykhólaskóla og hefur starfað síðan sem  grunnskólakennari og skólastjóri um skeið við skólann.

Ásta er ágætlega kunnug málefnum sveitarfélaga, því hún sat í sveitarstjórn Reykhólahrepps árin 2010 – 2014 og í nefndum og ráðum.

Hún hefur síðustu 3 ár starfað sem þjónustufulltrúi hjá Landsbanka Íslands.

DEILA