Helga Guðmundsdóttir, Bolungavík er 104 ára í dag.
Helga er fædd 17. maí 1917 á Blesastöðum á Skeiðum. Þar ólst hún upp, ein 14 systkina sem náðu fullorðinsaldri en tvö systkini hennar létust í æsku.
Helga giftist Bolvíkingnum Gunnari Halldórssyni og flutti til Bolungarvíkur árið 1952. Þau eignuðust þrjú börn. Agnar búsettur í Miklabæ í Skagafirði, og Ósk, kennari í Kópavogi. Látin er Kristín sem síðast var kennari í Keflavík.
Á síðasta ári sigraðist Helga á Covid19.
Bæjarstjórn Bolungavíkur útnefndi hana í fyrra sem heiðursborgara Bolungavíkur.
Í greinargerð bæjarstjórnar segir m.a. :
„Það er óhætt að segja að Helga sé verðugur fulltrúi þeirra kynslóða sem ruddu brautina í uppbyggingu Bolungarvíkur frá miðri síðustu öld. Hún vann verk sín í hljóði eins og tíðkaðist meðal kvenna á þessum tíma, en framlag hennar og annarra kynsystra hennar var ómetanlegt og verður seint fullþakkað.“
