Strandveiðar hefjast mánudaginn 3. maí

Fyrsti dagur strandveiða verður mánudaginn 3. maí. Til að hefja strandveiðar 3. maí þarf umsókn að hafa borist Fiskistofu fyrir kl. 14:00 þann 30.apríl og greiðsluseðill greiddur fyrir 21:00 þann sama dag til að mega hefja veiðarnar.

Heim­ilt verður að veiða 11.100 tonn í maí, júní, júlí og ág­úst 2021. Þar af tíu þúsund tonn af þorski, þúsund tonn af ufsa og hundrað tonn af gull­karfa. Reglu­gerð um strand­veiðar árs­ins hef­ur verið birt í Stjórnartíðindum.

Hverj­um strand­veiðibát verði heim­ilt að veiða í 12 daga í mánuð eða 48 daga á tíma­bil­inu.

Óheim­ilt er að stunda strand­veiðar föstu­daga, laug­ar­daga og sunnu­daga og hver veiðiferð má eigi standa yfir leng­ur en 14 klukku­stund­ir og má afli í veiðiferð ekki vera um­fram 650 kíló. Ekki má hafa nema fjór­ar hand­færar­úll­ur um borð.