Bæjarráð Bolungavíkurkaupstaðar ræddi drög að jarðgangaáætlun fyrir Vestfirði, sem Vestfjarðastofa hefur tekið saman og sent sveitarfélögunum til umsagnar.
Bæjarráðið leggur til eftirfarandi forgangsröðun í jarðgangnaáætlun fyrir Vestfirði.
- Göng milli Skutulsfjarðar og Álftafjarðar
- Göng undir Klettsháls
- Göng undir Hálfdán
- Af þessum valkostum er einn kostur í Samgönguáætlun 2020-2034 ( göngin milli Skutulsfjarðar og Álftafjarðar) og mikilvægt að fylgja þeirri stefnumörkun sem þar kemur fram.
- Samhliða leggur bæjarráð áherslu á að Vestfjarðastofa beiti sér fyrir því að unnið verði samhliða að tveimur eða fleiri jarðgangnakostum á sama tíma á Vestfjörðum.
Tillaga bæjarráðs gengur nú til bæjarstjórnar til afgreiðslu.
