Gleymið ekki að endurnýja

Bókin Gleymið ekki að endurnýja – saga Happdrættis Háskóla Íslands eftir Stefán Pálsson sagnfræðing er komin út hjá Háskólaútgáfunni

Fyrsti útdráttur Happdrættis Háskóla Íslands fór fram í Iðnó þann 10. mars árið 1934 að viðstöddu fjölmenni.

Á undraskjótum tíma urðu miðakaup í Háskólahappdrættinu fastur liður í heimilishaldi stórs hluta Íslendinga, sem gerðu sér ferð í hverjum mánuði til umboðsmanns síns til að endurnýja.
Háskólahappdrættið hefur fylgt þjóðinni upp frá þessu og staðið straum af byggingu og viðhaldi alls húsnæðis Háskóla Íslands auk þess að styðja við vísindastarf á ýmsan hátt.

Í sögu Happdrættis Háskóla Íslands tekur Stefán Pálsson sagnfræðingur saman ýmsa þræði.
Hann rekur byggingarsögu Háskólans, deilur Íslendinga um happdrættismál og þróun hvers kyns happdrættisleikja hér á landi sem erlendis.
Sagt er frá átökum á bak við tjöldin og rifjuð upp ýmis áform sem ekki urðu að veruleika.

Fjöldi mynda prýðir þessa rúmlega 400 síðna bók sem kemur skemmtilega á óvart.

Kaupa

Athugasemdir

athugasemdir