Skýrsla um útflutning á óunnum fiski

Sjávarútvegsmiðstöð Háskólans á Akureyri hefur skilað atvinnuvega- og nýsköpunarráðuneytinu skýrslu um álitaefni sem varða útflutning óunnins fisks og áhrifa á íslenskt atvinnulíf og samfélag.

Sjávarútvegsmiðstöðinni var falið að vinna hana eftir fyrirspurn frá atvinnuveganefnd Alþingis.

Skýrslan var unnin af Guðrúnu Arndísi Jónsdóttur, forstöðumanni Sjávarútvegsmiðstöðvar HA með aðkomu Hjalta Jóhannessonar, sérfræðings á Rannsóknamiðstöð HA og Rannveigar Björnsdóttur, sviðsforseta Viðskipta- og raunvísindasviðs HA í mars og apríl 2020.

Í skýrslunni kemur fram að verðmætasköpun og frumkvöðlastarf sé samfélögum mjög mikilvægt og að aukin hagsæld til lengri tíma fáist með því að auka verðmæti á hverja vinnustund og stuðla að betri nýtingu auðlinda og að það geti reynst hagstæðara í einhverjum tilvikum að selja hráefnið óunnið úr landi en að vinna það á Íslandi.

Skýrsluna má nálgast hér.