Kvótaleigan 1,4 milljarðar króna í þorski

Það sem af er þessu fiskveiðiári hafa 5.696 tonn af veiðiheimildum í þorski verið leigðar milli útgerðarmanna í 284 viðskiptum fyrir 1.411 milljónir króna. Meðalverðið er 247,84 kr/kg. Liðnir eru tveir og hálfur mánuður af kvótaárinu.

Þetta kemur fram á vef Fiskistofu.

Til viðbótar greiðir sá sem nýtur kvótann til veiða 10,62 kr/kg af þorski. Samtals fær ríkissjóður 60,4 milljónir króna í veiðigjald fyrir 5.696 tonn af þorskveiðiheimildum sem hafa verið leigðar milli aðila.

Samanlagðar greiðslur fyrir veiðiréttinn eru 258,46 kr/kg eða 1.471 milljón króna. Skiptast greiðslurnar þannig að handhafi kvótans fær 1.411 milljónir króna og ríkissjóður 60 milljónir króna.

Facebook Notice for EU! You need to login to view and post FB Comments!