Ólöglegir starfsmenn á Vestfjörðum

Nú í haust hefur lögreglan á Vestfjörðum rannsakað og upplýst tvö aðskilin mál sem bæði varða ólöglega atvinnuþátttöku nokkurra erlendra einstaklinga.

Um var að ræða 4 sakborninga í öðru málinu en 5 í hinu.

Í öðru málinu var um að ræða verkamannavinnu í fiskvinnslu en í hinu iðnaðarvinnu, í báðum tilvikum á norðanverðum Vestfjörðum.

Þessir einstaklingar eru allir ríkisborgarar utan Evrópska efnahagssvæðisins og mega því ekki starfa á Íslandi án þess að hafa tilskilin atvinnuleyfi.

Það hvílir skylda á þeim aðilum/fyrirtækjum sem ráða einstaklinga til vinnu að ganga úr skugga um að atvinnuleyfi sé til staðar.

Einstaklingar sem ekki hafa atvinnuleyfi mega að sama skapi ekki bjóða fram starfskrafta sína.

Athugasemdir

athugasemdir