Útsvarstekjur sveitarfélaga fyrstu sex mánuði ársins

Hag- og upplýsingasvið Sambands Íslenskra sveitarfélaga hefur nú tekið saman upplýsingar um tekjur sveitarfélaga af staðgreiðslu útsvars á fyrri hluta 2020 og borið saman við sömu mánuði í fyrra.

Þar kemur í ljós talsverður munur er milli landshluta og sveitarfélaga en að meðaltali er hækkun um 0.3% á staðgreiðslutekjum.

  • Reykjavíkurborg                                        Lækkun 0,2%
  • Höfuðborgarsv. -Reykjvav.borg.                  Hækkun 1,6%
  • Suðurnes                                                  Lækkun 2,5%
  • Vesturland                                                Lækkun 0,7%
  • Vestfirðir                                                   Hækkun 1,5%
  • Norðurland Vestra                                      Hækkun 2,3%
  • Norðurland eystra                                      Hækkun 0,1%
  • Austurland                                                 Lækkun 0,1%
  • Suðurland                                                  Hækkun 1,2

Innan hvers landshluta getur verið gríðarlegur munur, til dæmis er 0,4% lækkun hjá Hafnarfjarðarkaupstað en 33,5% hækkun hjá Kjósahreppi.

Af níu sveitarfélögum á Vestfjörðum eru sex þeirra með hækkun skatttekna en þrjú með lækkun. Mest hækka tekjurnar hjá Árneshreppi eða um 6,6%, Súðavíkurhreppi um 4,3% og Bolungarvíkurkaupstaður um 3,2%. Þau sem tapa skatttekjum eru Strandabyggð um 3,1%, Tálknafjarðarhreppur um 2,9% og Kaldrananeshreppur um 0,2%.

Á Vesturlandi er 5,8% lækkun hjá Stykkishólmsbæ en nágranni þeirra í Helgafellssveit hækkar um 21% en hafa ber í huga að lækkun Stykkishólmsbæjar milli ára er rúmar 18 milljónir, en heildartekjur Helgafellssveitar á sama tímabili er rúmar 13 milljónir.

Á Norðurlandi vestra er góður stígandi í staðgreiðslutekjum eða hækkum um 1,6% – 4%,  nema í Skagabyggð sem lækkar um 15,5%.

Á Norðurlandi eystra eru þrettán sveitarfélög, aðeins Akureyrarkaupstaður, Norðurþing, Eyjarfjarðarsveit og Grýtubakkahreppur og Svalbarðshreppur sem hafa hækkað milli ára. Athygli vekur að agnarsmáu sveitarfélögin Grýtubakkahreppur og Svalbarðshreppur hækka mest á þessum landsfjórðungi en þau hafa barist hatrammlega gegn þvingaðri sameiningu. Skatttekjur í Tjörneshreppi sem sömuleiðis er afar fámennur lækka um 7,5%. Stærstu sveitarfélögin Akureyrarkaupstaður og Norðurþing hafa bæði hækkað.

Á Austurlandi er staðan afar mismunandi, tekjur Seyðisfjarðarkaupstaðar hafa lækkað um 4% en tekjur Fljótsdalshrepps hafa hækkað um 19.1%

Á Suðurlandi er staðan sömuleiðis afar mismunandi, stærstu sveitarfélögin Árborg, Vestmannaeyjarbær og Hveragerði hafa aukið tekjur sínar en minnstu sveitarfélögin og þá sérstaklega þau sem byggja afkomu sína á ferðaþjónustu hafa lækkað umtalsvert, Mýrdalshreppur lækkar um 13% milli ára og Skaftárhreppur um 6,1%

Nánari upplýsingar má nálgast á vef Sambands Ísl. sveitarfélaga

bryndis@bb.is

DEILA