Enduro Ísafirði – Aflýst

Hjólreiðadeild Vestra ákvað að sýna samfélagslega ábyrgð og aflýsa Enduró hjólreiðamóti sem átti að halda næstkomandi helgi.

„Við færum ykkur þær sorgarfréttir að við neyðumst að aflýsa Enduro Ísafjörður 2020 í ljósi aðstæðna. Söknum ykkar!! Við mætum tvíefld til baka 2021. Hjólið grimmt þangað til.

Þetta hefði verð í þriðja sinn sem mótið hefði verið haldið, annað sinn af hjólreiðadeild Vestra.

Þegar lokað var fyrir skráningar voru 70 þátttakendur skráðir og stefndi í metþátttöku.

Fyrst og fremst erum við svekkt yfir að tapa gleðinni.

Enduro hjólafólk er lífsglaðasta fólk sem fyrir finnst og alltaf gaman að fá þetta fólk í heimsókn.

Auðvitað er þetta eitthvað tekjutap, í fyrra vorum við með góða styrktaraðila sem hjálpuðu okkur að lenda réttu megin við núllið og hefur ágóðinn farið í uppbyggingu á stígakerfi hér í bænum.“

Segir í tilkynningu frá Hjólreiðadeild Vestra.