Opnuð tilboð í brú yfir Bjarnardalsá í Önundarfirði

Tilboð voru opnuð í fyrradag í nýbygging vegkafla á Vestfjarðavegi (60) í Bjarnadal ásamt gerð nýrrar brúar á Bjarnadalsá.

Eitt tilboð barst. Var það frá Kubbi ehf., Ísafirði og hljóðar upp 288 milljónir króna. Áætlaður verktakakostnaður er 263 milljónir króna. Tilboðið er því 25 milljónum króna hærra eða 9,3%.

Nýr vegkafli á Vestfjarðavegi 60 verður um 1,8 km langur, 8 m breiður með 3,5 m breiðum akreinum og 0,5 m breiðum öxlum. Ný brú yfir Bjarnadalsá verður 23 m löng eftirspennt plötubrú í einu hafi á steyptum undirstöðum.

Vegagerð.

Helstu magntölur eru:

Fylling úr skeringum                                       30.000 m3

  •    Bergskeringar                                                    9.000 m3
  •    Ræsalögn                                                              200 m
  •    Styrktarlag                                                       10.000 m3
  •    Burðarlag                                                            2.600 m3
  •    Klæðing, tvöföld                                               15.000 m2
  •    Vegrið, uppsetning                                                 700 m

Brú á Bjarnadalsá.

Helstu magntölur eru:

Brúarvegrið                                                            56 m

  •    Gröftur                                                              1.400 m3
  •    Mótafletir                                                            900 m2
  •    Steypustyrktarstál                                               44 tonn
  •    Spennt járnalögn                                                    4 tonn
  •    Steinsteypa                                                         380 m3

Verkinu skal að fullu lokið 1. júlí 2021.

Athugasemdir

athugasemdir