Fyrsta Kvennahlaupið var haldið árið 1990. Upphaflega var markmið hlaupsins að fá fleiri konur út að hreyfa sig og að hvetja konur til þátttöku í starfi íþróttahreyfingarinnar á Íslandi.
Þau markmið hafa um margt náðst þar sem konur hreyfa sig mun meira í dag en fyrir 30 árum, íslenskar íþróttakonur eru að ná frábærum árangri á heimsvísu og margar konur í forsvari fyrir íþróttahreyfinguna hérlendis.
Í dag er áherslan ekki hvað síst á samstöðu kvenna, að hver njóti þess að hreyfa sig á sínum forsendum og eigi ánægjulega samverustund með fjölskyldu og vinum.
Hlaupið er árviss viðburður hjá mörgum konum sem taka daginn frá til að hlaupa með dætrum, mæðrum, ömmum, systrum, frænkum og vinkonum sínum og margir karlmenn slást líka í hópinn.
Á þessum tímum er mikilvægt sem aldrei fyrr að hlúa að heilsunni og rækta sambandið við vini okkar og vandamenn.
Á Vestfjörðum verður hlaupið á eftirfarandi stöðum
Reykhólum við Reykhólakirkju kl. 11:00
Ísafjörður á Torfnes kl.11:00
Bolungarvík við Ráðhúsið kl. 13:00
Flateyri við Sundlaugina kl. 11:00
Suðureyri við Sundlaugina kl. 11:00
Vesturbyggð, Barðaströnd við Birkimel kl.20:30
Tálknafjörður við Sundlaugina kl. 13:00
Þingeyri við Sundlaugina kl. 11:00
Staður við Tangahúsið kl.13:00
Hólmavík við Íþróttamiðstöðina kl. 11:00
Drangsnes við Fiskvinnslunni kl. 11:00
