Skipulagsstofnun: boðið til samráðs um mótun strandsvæðisskipulags

Í gær opnaði Skipulagsstofnun  samráðsvefsjá í tengslum við gerð strandsvæðisskipulags á  Vestfjörðum og verður hún opin næstu fjórar vikur til 4. júní. Vefsjánni er ætlað að gefa íbúum og hagsmunaaðilum á svæðinu tækifæri til að taka þátt í mótun strandsvæðisskipulags fyrir svæðin.

Í samráðsvefsjánni gefst almenningi og hagsmunaaðilum tækifæri til að merkja inn á kort hvernig svæðin eru notuð til útivistar og annarrar hagnýtingar svo sem til dúntekju, siglinga og kajakróðra auk staða sem þeir vilja vekja athygli á og tengjast núverandi eða mögulegri framtíðarnýtingu á svæðunum. Jafnframt er hægt að koma á framfæri sjónarmiðum um stöðu svæðisins, styrkleika þess og áskoranir.

Ný leið til samráðs

Vefsjár af þessu tagi eru ný leið til að hafa samráð í skipulagsgerð hér á landi. Vefsjáin er aðgengileg á hafskipulag.is og er hún bæði á íslensku og ensku.

Gerð strandsvæðisskipulagsins er á ábyrgð svæðisráðs svæðisins sem skipuð eru af umhverfis-ráðherra en Skipulagsstofnun annast gerð skipulagsins í umboði þess.

Hægt verður að koma á framfæri ábendingum um nálgun og efnistök í skipulagsvinnunni með tölvupósti á hafskipulag@skipulag.is eða í athugasemdagátt á hafskipulag.is. Frestur til að koma ábendingum á framfæri er til 1. júní 2020.

Kynningarfundir

Fyrirhuguð vinna við gerð strandsvæðisskipulags á Vestfjörðum verður kynnt á veffundum og streymt á Facebook-síðu Skipulagsstofnunar á eftirfarandi tímum:

  • 12. maí kl. 15:00, kynning á lýsingu fyrir gerð strandsvæðisskipulags á Vestfjörðum.

Nánari upplýsingar um fundina eru á hafskipulag.is.

Til stóð að halda samráðsfundi samhliða kynningu á lýsingu en vegna samkomutakmarkana hefur þeim verið frestað. Samráðsfundirnir verða haldnir haustið 2020 og verða þeir auglýstir þegar nær dregur.

Facebook Notice for EU! You need to login to view and post FB Comments!