Vestfirðir: hertar aðgerðir framlengdar til 26. apríl

Aðgerðastjórn almannavarna á Vestfjörðum  hefur ákveðið í samráði við sóttvarnalækni að halda óbreyttu fyrirkomulagi sóttvarna á norðanverðum Vestfjörðum a.m.k. til 26. apríl nk.

Í því felst að:

leik- og grunnskólar á norðanverðum Vestfjörðum verði áfram lokaðir. Þó skulu börn á forgangslistum fá vistun á leikskólum og 1. og 2. bekkjum grunnskóla.

samkomubann verði miðað við 5 manns (þetta á þó ekki við um fjölskyldur sem búa á sama heimili).

fjöldi viðskiptavina í stærri verslunum (>150 fermetrar) sé að hámarki 30 á hverjum tíma.

Í tilkynningu aðgerðarstjórnar segir að það sé mat aðgerðastjórnar að ofangreindar aðgerðir séu að skila árangri. Enn eru þó að greinast ný smit og allmargir einstaklingar í samfélaginu eru veikir. Það er því afar brýnt að fólk haldi sig heima, haldi samskiptafjarlægð, takmarki ferðir sínar og fylgi leiðbeiningum þessum.