Sveitarstjórn Reykhólahrepps samþykkti á fundi sínum í síðustu viku að kanna möguleika á frestun greiðslu fasteignagjalda fyrir þá aðila sem hafa orðið fyrir verulegu tekjutapi vegna Covid-19. Var oddvita og varaoddvita falið að útfæra nánari reglur um frestun fasteignagjalda í samráði við sveitarstjóra og skrifstofustjóra.
Þá var einnig samþykkt að fella niður húsaleigu hjá versluninni Hólabúð í tvo mánuði vegna takmarkanna á starfsemi hennar og tryggja þannig verslun í heimabyggð eins og
verða má.
Loks var kosin ný almannavarnarnefnd.
Í hana voru kosin
Ágústa Ýr Sveinsdóttir, formaður björgunarsveitarinnar,
Hlynur Stefánsson, varðstjóri slökkviliðs og
Hendrikka Alfreðsdóttir, hjúkrunarforstjóri skipi nefndina.
Til vara verða:
Árný Huld Haraldsdóttir,
Herdís Erna Matthíasdóttir og
Eiríkur Kristjánsson.
