Covid19 : 27 smitaðir og tveir sýna einkenni á Bergi

Alls eru 27 Vestfirðingar smitaðir af covid19 veirunni samkvæmt upplýsingum lögreglunnar á Vestfjörðum í kvöld. Fjórtán eru frá Ísafjarðarbæ og þrettán eiga lögheimili í Bolungavík.

Eins og fram hefur komið er einn vistmaður á hjúkrunarheimilinu Bergi í Bolungavík smitaður. Í stöðuskýrslu aðgerðarstjórnar kemur fram að  tveir einstaklingar þar til viðbótar munu vera veikir og sýna einkenni covid-19.

Sjötíu sýni bíða greiningar og eru þau öll nema eitt frá byggðarlögunum við utanvert Djúpi. Þetta eina er skráð á Vesturbyggð.  Í sóttkví eru 317, þar af eru 202 í Bolungavík. Lætur nærri að fjórðungar Bolvíkinga sé kominn í sóttkví eða smitaður. Að auki eru 40 sýni frá Bolungavík sem hafa verið tekin en ekki er búið að greina þau.

 

Facebook Notice for EU! You need to login to view and post FB Comments!