Sjótækni á Tálknafirði er í dag að byrja á því að lyfta fyrsta bátnum úr höfninni á Flateyri. Kjartan J. Hauksson sagði í samtali við Bæjarins besta að búið væri að fá öflugan bát Fosnakongen frá Noregi , sem hér á landi hefur verið að vinna fyrir Arnarlax og Arctic Fish til þess að lyfta bátunum. Undanfarnir tveir dagar hafa farið í undirbúning.
Verið væri núna að byrja á því að athafna sig við fyrsta bátinn. Sá væri hálfur í kafi og yrði að byrja á því að sökkva honum á botninn. Að því loknu yrði komið böndum á hann og báturinn hífður upp á yfirborðið.
