Reykhólarhöfn: dýpkun fyrir 37 m.kr.

Gömul mynd frá Reykhólahöfn. Mynd: Sigling.is/visir

Reykhólahöfn verður dýpkuð í ár. Á síðasta fundi sveitarstjórnar var lögð fram verk- og kostnaðaráætlun frá Vegagerðinni vegna dýpkunar Reykhólahafnar.

Áætlaður kostnaður samkvæmt tilboði frá Hagtaki er upp á 36.750.000 kr. og fellur 10% kostnaðar á Reykhólahöfn.

Sveitarstjórn Reykhólahrepps samþykkti að breyta fjárhagsáætlun Reykhólahrepps fyrir árið 2020 þannig að settar voru  3.650.000 kr. í verkkaup hafnarinnar vegna dýpkunarinnar  og verður fjármagn tekið af áætluðum rekstrarafgangi þessa árs sem verði eftir breytingar 41.015.000 kr.

 

DEILA