Auðlindir í almannaþágu

Laugardaginn 11. janúar, kl. 15:00 í Norræna húsinu, verður stofnað félag, Auðlindir í almannaþágu, sem berst fyrir því að fyrirtæki og lögaðilar greiði fullt gjald fyrir nýtingu takmarkaðra náttúruauðlinda á og við Ísland. Fullt gjald er það gjald sem verður til á markaði og tryggir best gegnsæi og jafnræði, hvort sem varðar sjávarútvegs-, orku- eða landbúnaðarmál.

Félagið hyggst m.a. fara um landið með fundi, þar sem rætt verður hvort núverandi fyrirkomulag við úthlutun kvóta gagnist landsbyggðinni á besta mögulega hátt.

Á fundinum tala:

Katrín Oddsdóttir, formaður Stjórnarskrárfélagsins: Auðlindaákvæði stjórnarskrár stjórnlagaráðs.

Kjartan Jónsson, framkvæmdastjórii (Skrifaði MA ritgerð í heimspeki 2019: „Er uppboðleið réttlát leið til úthlutunar aflaheimilda?“): Er kvótakerfið að gagnast landsbyggðinni?

Þá mun KK spila nokkur lög.

Fundarstjóri: Sveinn Aðalsteinsson, viðskiptafræðingur

DEILA