Byggðalínan úti

Ekki fæst rafmagn frá byggðalínunni vegna þess að ekki er hægt að spennusetja tengivirkið í Hrútatungu. Orsökin er sennilega snjór og selta í tengivirkinu en hreinsun á virkinu er hafin.

Samkvæmt upplýsingum frá Orkubúi Vestfjarða er staðan eftirfarandi:

Norðanverðir Vestfirðir:

Allir notendur eru með rafmagn frá varastöðinni í Bolungarvík nema hluti Önundarfjarðar en þar er bilun á sveitalínu. Viðgerðaflokkur er á leiðinni yfir í Önundarfjörð.

Ísafjarðardjúp:

Rafstöð í Reykjanesi ásamt vatnsaflsvirkjunum heldur uppi rafmagni í Djúpinu að Langadal undanskildum.

Hólmavík, Strandir, Reykhólasveit og nágrenni:

Bilun er á Drangsneslínu og er varaafl keyrt fyrir þéttbýlið á Drangsnesi. Díselvél á Hólmavík og Þverárvirkjun halda rafmagni á Hólmavík og nágrenni og suður að Stórafjarðarhorni. Nokkrir bæir í Steingrímsfirði eru án rafmagns. Rafmagnslaust er frá Broddanesi suður að Hrútatungu. Rafmagnslaust er í Árneshreppi.

Rafstöð er keyrð á Reykhólum en rafmagnslaust er í sveitum sem tengjast tengivirkinu í Geiradal.

Sunnanverðir Vestfirðir og Dýrafjörður:

Allir notendur eru með rafmagn frá Mjólkárvirkjun.

Athugasemdir

athugasemdir