Byggðalínan komin inn en Breiðadalslínan enn biluð

Rafmagn er komið frá byggðalínunni og er Vesturlína komin í rekstur.

Þetta kemur fram í yfirliti frá Orkubui Vestfjarða.

Breiðadalslína 1 er enn biluð og er varaflsstöðin í Bolungarvík því keyrð áfram.

Varaaflskeyrslu hefur verið hætt á Hólmavík og á Reykhólum.

Rafmagn er komið á Króksfjarðarnes og Gilsfjörð og á allt norðan Þorskafjarðar eftir því sem best er vitað.

Viðgerð stendur yfir á Borðeyrarlínu og er búist við að línan verði komin í lag fyrir hádegi.

Verið er að reyna að koma rafmagni á Árneshrepp.

Uppfært. Borðeyrarlína komin inn.

Um klukkan 13:30 var lokið við viðgerð á Borðeyrarlínu og hún spennusett. Því er komið rafmagn aftur til allra notenda frá Hrútatungu að Broddanesi.

DEILA