Um klukkan sex í kvöld var björgunarskipið Gísli Jóns á Ísafirði kallað út vegna rækjuveiðiskipsins Halldórs Sigurðssonar ÍS sem hafði fengið veiðafæri í skrúfuna og gat ekki siglt fyrir eigin vélarafli. Tveir eru um borð í skipin sem var við veiðar í Inndjúpinu en engin slys voru á fólki. Það tók áhöfnina á Gísla Jóns um einn og hálfan tíma að sigla inn Djúpið að rækjuveiðiskipinu, áhöfnin tók skipið í tog og er á leiðinni með það til Ísafjarðar.
Að sögn Halldórs Óla Hjálmarssonar eru skipin norður af Vigur og gengur að vonum siglingin til Ísafjarðar.
Meðfylgjandi er mynd tekin úr Gísla Jóns í kvöld.
Mynd: Landsbjörg.
