Hagyrðingarnir eru sífrjóir þessa dagana og Samherjamálið hefur opnað vísnaæðina upp á gátt.

Jón Atli á Reykhólum gefur ríkisstjórninni ekki bestu einkunn fyrir sín viðbrögð:

 

Ríkisstjórnin ráðlaus heild,
raun hvað illa vorar.
Á að vera í úrvalsdeild,
en ekkert lengur skorar.

 

Indriði á Skjaldfönn hefur ekki trú á að Þorsteinn Már bjargi sér úr klípunni:

 

Þorsteinn Már, hann fór í frí

af fjandsamlegri pressu,

en barnið dottið brunninn í

og bjargast ekki úr þessu.

 

Formaður Sjálfstæðisflokksins sagði í viðtali við breskt blað eitthvað á þá lund að spillingin í Afríku hefði stýrt athöfnum Samherja inn á mútuslóðirnar.

Indriði orti þá í orðastað Bjarna Benediktssonar:

 

Spillingin nærist í Namibíu.

Nálgast það að ég fái klígju.

Hér á landi ei svoleiðis sést.

Af sóma og manngæsku erum við best.

Athugasemdir

athugasemdir