Rétt er að vekja athygli á fjölbreyttu úrvali námskeiða hjá Fræðslumiðstöð Vestfjarða í október. Þeir sem hafa áhuga á einhverju af námskeiðunum ættu að kanna rétt sinn hjá sínum starfsmenntasjóði til endurgreiðslu á þátttökugjöldum.
Í næstu viku þann 11. október 2019 hefst á Bíldudal námskeið í vélgæslu.
Námskeiðið veitir rétt til að vera vélavörður, á skipum allt að 12 metrar að skráningarlengd með vélarafl allt að 750 kW (Skírteini: Smáskipa vélavörður (SSV)). Að loknu 7 eininga viðbótarnámi í framhaldsskóla, sem skilgreint er í námskrá öðlast viðkomandi rétt til að vera vélavörður á skipi með allt að 750 kW vél (Skírteini: Vélavörður (VV)) og yfirvélstjóri á skipi með allt að 750 kW vél og allt að 24 metrar að skráningarlengd að loknum 4ra mánaða siglingatíma sem vélavörður (Skírteini: Vélavörður (VVY)). Sjá reglugerð.
Kennari verður Jóhann Bæring Gunnarsson.
Næstu námskeið:
Heimili og hönnun – Stofan – Haldið 13. október.
Tölvur – grunnnámskeið – Hefst 15. október.
Bætt líðan með aðferðum hugrænnar atferlismeðferðar – Hefst 17. október.
Teikning / myndlist II – Hefst 22. október.
Lög og reglur – endurmenntun atvinnubílstjóra – Haldið 23. október
Umferðaröryggi – bíltækni – endurmenntun atvinnubílstjóra – Haldið 24. október.
Næring hreyfing og hvíld (frír örfyrirlestur) – Haldið 24. október.
Sterkari sjálfsmynd og kvenleg orka – Hefst 26. október.
Sannprófun – Innri úttektir – Haldið 28. október.
Enska fyrir atvinnulífið – Hefst 28. október.
Vistakstur öryggi í akstri – endurmenntun atvinnubílstjóra – Haldið 29. október.
Vöruflutningar – endurmenntun atvinnubílstjóra – Haldið 30. október.
Listin að lifa – lífsgæði og sjálfsrækt – Haldið 31. október.