Sundabraut inn í samgöngutillögu

Sigurður Ingi Jóhannsson, samgönguráðherra segir í færslu á facbook að bætt hafi verið við málsgrein í drög að samkomulagi um höfuðborgarpakkann um tengingu við Sundabraut. Hann segir að nokkrir möguleikar komi til greina um hvar og hvernig best sé að leggja hana og hvernig megi auðvelda umferð á milli miðborgar og Grafarvogs, létta á umferð á höfuðborgarsvæðinu og stytta leiðir út á land.

„Tveir valkostir eru einkum taldir koma til greina. Annars vegar jarðgöng í Gufunes sem miðast við núgildandi skipulag og hins vegar lágbrú yfir Kleppsvík yfir á Holtaveg sem kallar á breytt skipulag á hafnarstarfssemi. Ég hef áður sagt að lágbrú yfir Kleppsvík sé fýsilegri kostur en jarðgöng. Bæði er hún ódýrari, henti fyrir alla samgöngumáta, þ.e. bílandi, almenningssamgöngur, gangangi og hjólandi.

Síðari áfangi Sundabrautar mun síðan ná frá Gufunesi um Geldinganes, yfir Leiruvog, Gunnunes, Álfsnes og Kollafjörð að tengingu við Vesturlandsveg.

Næstu skref snúa að frekari viðræðum við Faxaflóahafnir og skipulagsyfirvöld í borginni.“

Athugasemdir

athugasemdir