Karlakórinn Ernir er að hefja vetrarstarf sitt. Æfingar byrja nk. fimmtudagskvöld. Þær verða einu sinni í viku, að jafnaði, og fara fram í gamla barnaskólanum í Hnífsdal / kapellunni við Bakkaveg. Þær verða kl.20:00 á fimmtudagskvöldum.
Boðið verður upp á raddprufur fyrir nýja félaga kl.19:30 bæði nk. fimmtudagskvöld og fimmtudaginn í næstu viku. Tekið verður fagnandi og vel á móti nýjum félögum og þeim lofað góðum og vinveittum félagsskap.
