Bíldudalur: ekki hugmyndir um eignarnám

Mynd : Kristinn H. Gunnarsson.

Eigendur litlu Eyrar hafa hafnað erindi Vesturbyggðar um land til til bygginga á íbúðum eða öðrum mannvirkjum. Bæjarráð Vesturbyggðar fól byggingarfulltrúa að kanna aðra kosti í landi sveitarfélagsins í nágrenni Bíldudals varðandi mögulegar byggingalóðir.

Rebekka Hilmarsdóttir, bæjarstjóri segir að ekki eins og staðan er í dag liggja ekki fyrir áform um eignarnám.

Elfar Steinn byggingarfulltrúi Vesturbyggðar segir að í raun sé allt land sveitarfélagsins innan byggðar í Bíldudal undir í þessari skoðun, „af svæðum norðan við þjóðveginn er sveitarfélagið aðþrengt varðandi íbúðarsvæði af landi Litlu-Eyrar í norð-austri og nýju iðnaðarsvæði í suð-vestri, nema þá að íbúðarbyggð færðist inn fyrir skipulagt iðnaðarsvæði, þá væri fjarlægð frá núverandi byggð orðin um 1100m. Sunnan við þjóðveginn hefur hefur Golfklúbbur Bíldudals haft afnot af landi sveitarfélagsins.“

Grænmerkta svæðið er í eigu Litlu-Eyrar og fjólubláa svæðið er í eigu sveitarfélagsins.
Hér fyrir ofan eru svæðin sem væru undir við fyrstu skoðun, merkt með fjólubláu. Grænmerkt er land Litlu-Eyrar og gult eru lóðir við iðnaðarsvæðið. Austasti reiturinn stendur á golfvellinum.

 

DEILA