Hafna- og atvinnumálaráð Vesturbyggðar hefur samþykkt tillögu Vegagerðarinnar um að taka tilboði Guðmundar Arasonar ehf í stálþil og festingar vegna framkvæmda við Bíldudal – sem er lenging Kalkþörungabryggju og endurbygging hafskipakants.
A- sögn Fannars Gíslasonar verkefnisstjóra hjá Vegagerðinni barst aðeins eitt tilboð í stálið og var það á pari við kostnaðaráætlun eða 491.771 evrur (án vsk.) Kostnaðurinn við hvert tonn er 1.130 evrur. Miðað við gengi í dag er tilboðsfjárhæðin um 66 milljónir króna.
Við efniskostnað bætist við kostnaðurinn við vinnuna, en verkið verður unnið í haust.
