Orkuöflun skyldi styrkja / með ánum okkar stríðu

Í gær voru birtar tvær skemmtilegar vísur um virkjun vindorku í stað Hvalárvirkjunareða með henni eftir þá Indriða á Skjaldfönn og Jón Atla Játvarðsson frá Reykhólum.

Indriði á Skjaldfönn reið á vaðið og vildi virkja vindinn en ekki vatnið:

Nú er lagið vind að virkja
og valda engum spjöllum.
Öræfanna stöðu styrkja
og steypa flónum öllum.

Jón Atli Játvarðsson, Reykhólum svaraði og vildi hvort tveggja:

Þegar á nú vind að virkja
vatn í lónum safnast til.
Blanda og Hvalá stöðu styrkja
í stormi og logni hér um bil.

Ásgeir Margeirsson, forstjóri HS Orku sá kveðskapinn á bb.is og segir að þá hafi dottið á skjáinn hjá honum:

Ef að nú skal vindinn virkja

vörumst rjómablíðu.

Orkuöflun skyldi styrkja

með ánum okkar stríðu.

DEILA