Jón Páll Hreinsson, bæjarstjóri í Bolungavík undirbjó sig fyrir vítakeppnina á morgun með því að taka nokkrar spyrnur á Skeiðisvelli í Bolungavík. Völlurinn var iðagrænn og eins og best verður á kosið.
Púkamótið hefst á morgun kl 17:30 á Torfnesvellinum Ísafirði með vítakeppni og þar munu þeir mætast bæjarstjóranir. Guðmundur Gunnarsson, bæjarstjóri á Ísafirði var við æfingar í gær og sýndi góða takta. En það er ljóst eftir morgunæfingu Jóns Páls að Guðmundur á erfiða keppni í vændum og má halda vel á spöðunum til þess að eiga möguleika á sigri.
Enn er möguleiki á því að skrá sig til leiks á http://pukamot.is/skraning-a-pukamotid-2019/.