Gunnar Jónsson opnar sýningu á morgun

Ísfirðingurinn Gunnar Jónsson opnar sýninguna Gröf  í Listasafni Reykjavíkur – Hafnarhúsi, D – sal, fimmtudag 16. maí kl. 20.00.

Gunnar Jónsson er 37. listamaðurinn sem sýnir í sýningarröð D-salar Listasafns Reykjavíkur.

Gunnar er fæddur í Reykjavík árið 1988 en ólst upp á Ísafirði og býr þar og starfar í dag. Gunnar lauk BA-prófi í myndlist frá Listaháskóla Íslands árið 2012. Í verkum sínum rannsakar hann eigin uppruna, sjálfsmynd og umhverfi. Gunnar vinnur meðal annars með vídeó, ljósmyndir og tónlist. Hann er virkur í ýmsu félagsstarfi og er m.a. varamaður í stjórn Reykvíkingafélagsins á Ísafirði.

Markmið sýningarraðarinnar í D-sal er að gefa efnilegum listamönnum tækifæri til að vinna í fyrsta sinn að einkasýningu í opinberu listasafni og beina athygli gesta að nýjum og áhugaverðum hræringum innan listheimsins. Sýningarröðin hóf göngu sína árið 2007.

Sýningin verður opin til 23. júní 2019.

Facebook Notice for EU! You need to login to view and post FB Comments!