Öflugt starf í félagi eldri borgara á Ísafirði

Aðalfundur í Félagi eldri borgara á Ísafirði var haldinn á þriðjudaginn. Ný stjórn félagsins er skipuð þeim

Sigrúnu C. Halldórsdóttur form.

Valdísi Veturliðadóttur varaform.

Bergi Torfasyni ritari

Kristjönu Sigurðardóttur gjaldkeri

Árnýju Oddsdóttur meðstjórnandi

 

Í varastjórn voru kosin Grétar Þórðarson, Halla Sigurðardóttir og Jens Kristmannsson.

Í skýrslu stjórnar fyrir 2018 sem Sigrún C. Halldórsdóttir flutti kemur fram að 325 voru skráðir í félagið í lok árs 2018. Annað félagi eldri borgara er starfandi í Ísafjarðarbæ og er það á Flateyri. Haldnir voru 6 stjórnarfundir á árinu og efnt var til framboðsfundar fyrir bæjarstjórnarkosningarnar síðastliðið vor. Þá stóð félagið fyrir dagsferð inn í Djúp undir leiðsögn Engilberts Ingvarssonar frá Tyrðilmýri sem tókst afar vel. Vetrarstarfið hefur gengið vel og er opið hús tvisvar í viku, þá var staðið fyrir bókmenntakynningu og haldið árleg töðugjöld í Edinborgarhúsinu í samstarfi við félögin á Flateyri og í Bolungavík.

Karl Sigurðsson var gerður að heiðursfélaga þann 14. maí í tilefni af því að þá varð hann 100 ára gamall.

Í haust var skipað í öldungaráð og skipa það:

Aðalmenn:

Sigrún Camilla Halldórsdóttir

Guðný Sigríður Þórðardóttir

Halla Sigurðardóttir

Smári Haraldsson

Bergur Torfason

Grétar Þórðarson

Varamenn:

Björn Helgason

Önundur Jónsson

Valdís Veturliðadóttir

Svanhildur Þórðardóttir

Ásta Björk Friðbertsdóttir

Magnús Jónsson

Á þessu ári verður félagið 25 ára og stendur til að efna til tveggja daga sumarferðar í Dalina í júní mánuði.

 

DEILA