Ísfirðingar sóttu verðlaun á Skíðamóti Íslands 2019

10 km ganga kvenna. Kristrún Guðnadóttir 2. sæti. Karin Björnlinger sem var í 1. sæti og Anna María Daníelsdóttir sem var í 3. sæti. Mynd: ski.is

Skíðamót Íslands 2019 fór fram um helgina. Það var haldið bæði á Dalvík og Ísafirði. Gönguhluti mótisins fór fram á Seljalandsdal. Skíðafélag Ísafjarðar átti nokkra keppendur sem náðu sér í nokkur verðlaun.

Á laugardag fór fram 10 km ganga kvenna. Þar varð Karen Björnlingen frá Skíðafe´lagi Akureyrar  hlutskörpust. Anna María Daníelsdóttir frá ísafirði varð þriðja og Kolfinna Íris Rúnarsdóttir í fimmta sæti. Anna María varð fyrst í aldursflokknum 19-20 ára og Kolfinna Íris vann í flokki 17-18 ára.

Karlarnir kepptu í 15 km göngu og þar vann Snorri Eyþór Einarsson, Ulli  en Jakob Daníelsson, SFÍ  varð í þriðja sæti. Jakob  varð fyrstur í 17-18 ára aldursflokki og ísfirðingarnir Sigurður Arnar Hannesson og Pétur Tryggvi Pétursson urðu í fyrsta og öðru sæti í 19-20 ára aldursflokki.

Í liðaspretti gekk Ísfirðingum vel, þar urðu Albert Jónsson og Dagur Benediktsson  fyrstir,  Jakob og Pétur Tryggvi í þriðja sæti og Daníel og Sigurður Arnar í fjórða sæti. Í kvennaflokknum urðu Anna María og Kolfinna Íris í öðru sæti og Linda Rós og Hildiur Karen í fjórða sæti.

15 km ganga karla. Frá vinstri. Ragnar Gamalíel í 2. sæti, Snorri Einarsson, 1. sæti og Jakob Daníelsson sem var í 3. sæti. Mynd: ski.is
DEILA