Dýrafjarðargöng – framvinda í viku 7

Áframhaldandi flottur gangur í gangagreftri og lengdust göngin um 88,8 m í síðustu viku.

Lengd ganga Dýrafjarðarmegin er þá orðin 962,7 m og samanlögð lengd ganga 4.620,3 m sem er 87,2% af heildarlengd. Lengd að gegnumbroti er nú 680,7 m.

Auk gangagerðar vinnur verktaki jöfnum höndum í vegagerð og er vegurinn að göngum óðum að taka á sig mynd. Efni úr göngum er ekið í vegfyllingar frá göngum og til vesturs en í vesturendanum og í átt að göngum hefur mest allt efnið komið úr Kjarnansstaða- og Ketilseyrarnámum. Þá hefur verktaki undanfarnar vikur verið að vinna efni í rofvörn á vegfláa þar sem vegur liggur meðfram og í sjó í vesturendanum og er það efni úr Nautahjallanámu.

Athugasemdir

athugasemdir