Félagsleg leiga: Ísafjarðbær fylgir reglugerð en Reykjavík fær 22,5% afslátt

Þuríður Harpa Sigurðardóttir, formaður ÖBI.

Ísafjarðarbær miðað tekjumörk, sem ákvarða rétt til félagslegs leiguhúsnæðis, við ákvæði reglugerðar um lánveitingar íbúðalánasjóðs til sveitarfélaga, félaga eða félagasamtaka sem ætlaðar eru til byggingar eða kaupa á leiguhúsnæði samkvæmt upplýsingum frá Þóru Marý Arnórsdóttur, deildarstjóra um málefni fatlaðra. Reglugerðin er grundvölluð á lögum um húsnæðismál nr. 44/1998.  Einstaklingar sem hafa tekjur yfir þessum mörkum eiga þá ekki rétt til þess að fá leigða félagslega leiguíbúð.

Í umræddri reglugerð segir að ársmeðaltekjur íbúa í leiguíbúð skuli eigi vera hærri en 4.749.000 kr fyrir hver einstakling. Þessi fjárhæð hækkar um 1.187.000 kr fyrir hvert barn að 20 ára aldri sem býr á heimilinu. Fyrir hjón eða sambúðarfólk eru viðmiðunartekjurnar að hámarki 6.649.000 kr samtals fyrir bæði.

Reykjavík á undanþágu

Öryrkjabandalagið gagnrýndi nýlega Reykjavíkurborg fyrir að nota mun lægri tekjuviðmið fyrir þá sem geta fengið félagslegt leiguhúsnæði. Í drögum að nýjum reglum kemru fram, að sögn ÖBI, að tekjumörkin samkvæmt drögunum séu 3.680.475 kr. fyrir einstakling; 5.152.975 kr fyrir hjón/sambúðarfólk og 919.925 kr fyrir hvert barn yngra en 20 ára á heimilinu.

Tekjuviðmið Reykjavíkurborgar verða samkvæmt þessu aðeins 77,5% af tekjuviðmiðunum sem eru í reglugerðinni nr. 1042/2013.

Öryrkjabandalagið upplýsir í umsögn sinni að starfsmenn Velferðarsviðs Reykjavíkurborgar hafi greint frá því að Reykjavíkurborg hafi frá 2004 fengið undanþágu frá þessum tekjuviðmiðum og væri viðmiðin aðeins 77,5% af tekjuviðmiðunum í reglugerðinni.

 

 

 

 

DEILA