Á næsta ári er gert ráð fyrir að verja 21 milljón króna til viðhaldsverkefna og í framkvæmdir í Súðavíkurhreppi. Til viðbótar því eru svo framkvæmdir við nýjan hafnargarð vegna nýrrar kalþörungaverksmiðju sem mun kosta mikið fé. Á fimm ára samgönguáætlun 2019-23 er fjárveiting til garðsins 2019-2021 samtals 273 milljónir króna. Hlutur sveitarfélagsins mun losa 200 milljónir króna. Ráðgert er að það verði fjármagnað með lántöku sem síðan verði endurgreitt með hafnargjöldum sem kalkþörungaverksmiðjan muni greiða.
