Vegagerðin: verk á Vestfjörðum nánast á kostnaðaráætlun

Vegagerðin hefur sent frá sér yfirlit yfir stór verk  sem unnin hafa verið undanfarinn áratug. Niðurstaðan er að kostnaðaráætlanir hafa staðist nokkuð vel. Að meðaltali hafa 23 verk á þessum tíma farið  um 7% framúr  kostnaðaráætlun.

Í tilkynningu frá Vegagerðinni segir að „frávikin í einstökum verkum Vegagerðarinnar eru allt frá 70% til 145% af kostnaðaráætlun.  Á tímabilinu reyndust 7 verk undir áætlun og 16 verk yfir áætlun og flest verkin voru innan við 10% yfir áætlun. Þetta verður að teljast nokkuð góður árangur.“

Af þessum 23 verkum voru 5 á Vestfjörðum. Þau voru unnin frá 2007 – 2015. Samanlagður kostnaður við þau á verðlagi hvers árs var 15.734 milljónir króna en endanlegur kostnaður varð 15.847 milljónir króna. Mismunurinn er aðeins 11 milljónir krona eða 0,7%.

Meðfylgjandi er tafla yfir verkin á Vestfjörðum sem unnin er upp úr gögnum Vegagerðarinnar:

Vegur Kostnaðaráætlun Kostnaður Hlutfall Ár
   
Eiði – Kjálkafjörður 3.387 3.745 110,6 2012-15
Kjálkafjörður – Vatnsfjörður 849 928 10,93 2009-11
Þröskuldar 2.136 2.309 108,1 2007-10
Drangsnesvegur 700 793 113,3 2008-13
Bolungavíkurgöng 8.662 8.072 93,2 2008-10
  15.734 15.847 100,7  

Athugasemdir

athugasemdir