Málstofa Hafró á föstudaginn: Anne de Vries

Á föstudaginn kl 11 mun Anne de Vries meistaranemi við Háskólasetur Vestfjarða flytja erindi á málstofu Hafrannsóknastofnunar. Erindið mun fjalla um mælingar Anne á plasti í þorski og ufsa.

Anne de Vries stundar nú meistaranám við Háskólasetur Vestfjarða, en hefur notið aðstoðar Hafrannsóknastofnunar. Málstofan verður haldin í fyrirlestrarsal á 1. hæð Skúlagötu 4 og verður jafnframt streymt á Youtube rás stofnunarinnar.

Erindið verður flutt á ensku.

Anne de Vries lauk námi í vatnastjórnun (e. Water management) við University of Applied Sciences í Vlissingen, Hollandi, og stundar nú meistanám við Háskólasetur Vestfjarða í haf og strandsvæðastjórnun. Meistaraverkefni hennar fjallar um plastagnir í þorski (Gadus morhua) og ufsa (Pollachius virens). Í erindinu mun hún fjalla um notkun alkalín meðferðar með Kalíum hýdroxíð (KOH) til að leysa upp magainnihald til að meta plastmagn í mögum. Plastrannsóknir eru nýjar af nálinu og í stöðugri þróun og mun hún fjalla um reynslu sína af þeirri aðferðarfræði sem hún hefur verið að beita.

Athugasemdir

athugasemdir