Creditinfo veitti framúrskarandi fyrirtækjum viðurkenningar í Hörpu í gær fyrir rekstrarárið 2017. Á listanum eru 857 fyrirtæki eða 2% allra skráðra fyrirtækja á Íslandi. Þar af eru 8 vestfirsk fyrirtæki. Fjögur fyrirtækjanna eru á Ísafirði, tvö í Bolungavík, eitt á Patreksfirði og eitt á Drangsnesi. Eitt þeirra er í hópi stórra fyrirtækja, þrjú eru meðalstór og fjögur eru flokkuð sem lítil.
Fyrirtækin eru:
Oddi hf á Patreksfirði (stórt) framkvæmdastjóri er Skjöldur Pálmason
Birnir ehf í Bolungavík (meðalstórt) framkvæmdastjóri er Sigríður Rósa Símonardóttir
Endurskoðun Vestfjarða ehf Bolunagvík (lítið) framkvæmdastjóri er Elín Jónsdóttir.
A.Ó.A. útgerð ehf Ísafirði ( meðalstórt) framkvæmdastjóri er Aðalsteinn Ómar Ásgeirsson
Sjóferðir Hafsteins og Kiddýjar ehf Ísafirði (lítið) framkvæmdastjóri er Hafsteinn Ingólfsson
Vestri ehf Ísafirði (lítið) framkvæmdastjóri er Gísli Jón Hjaltason
Útgerðarfélagið Skúli ehf Drangsnesi (meðalstórt) framkvæmdastjóri er Óskar Torfason
Vélsmiðjan Þristur ehf Ísafirði (lítið) framkvæmdasjóri er Kristinn Mar Einarsson
Skilyrði fyrir því að komast á listann framúrskarandi fyrirtæki eru:
· Fyrirtækið er í lánshæfisflokki 1-3
· Ársreikningi skilað lögum samkvæmt fyrir 1. September
· Fyrirtækið er virkt skv. skilgreiningu Creditinfo
· Framkvæmdastjóri skráður í fyrirtækjaskrá RSK
· Rekstrartekjur að lágmarki 50 milljónir króna 2017 (nýtt skilyrði)
· Rekstrarhagnaður (EBIT > 0) síðustu þrjú rekstrarár
· Jákvæð ársniðurstaða síðustu þrjú rekstrarár
· Eiginfjárhlutfall hærra en 20% síðustu þrjú rekstrarár
· Eignir yfir 100 milljónir króna 2017, 90 milljónir króna 2016 og 80 milljónir króna 2015 (breytt skilyrði)
