Arnarlax: framleiðslan 10.000 tonn á næsta ári

Kristian Matthíasson, framkvæmdastjóri Arnarlax segir að einkum tvær ástæður séu fyrir verri afkomu á þessu ári en gert var ráð fyrir. Sú fyrri er að óhapp varð í febrúar í Tálknafirði. Ein kvíin brotnaði í vondu veðri. Tekin var ákvörðun um að flytja fiskinn í kaldan sjó og af því varð talsverður dauði. Þá var ákveðið að fresta slátrun á fiski sem verða átti nú haust til næsta árs. hvort tveggja leiðir til þess að minna verður sla´trað á árinu en áætlanir gerðu ráð fyrir.

Hins vegar verður slátrað um 10 þúsund tonnum á næsta ári og fyrirtækið verður þá komið á svipaðan stað og var 2017 hvað varðar framleiðslu og afkomu.

Kristian segir að mikið hafi verið fjárfest á þessu ári í seiðaeldi, vinnslu og flutningsleiðum og þannig sé verið að búa fyrirtækið undir meiri framleiðslu. Á næsta ári verður haldið áfram þessum fjárfestingum.

Eins og fram hefur komið  hefur Samskip tekið upp beinar millilandasiglingar frá Bíldudal til Evrópu og er það  afrakstur af vinnu Arnarlax.