Sveitarfélög geta sótt um styrki fyrir þráðlausu neti

Samband íslenskra sveitarfélaga segir frá því að sveitarfélögum hefur staðið til boða að sækja um styrki fyrir þráðlaust net í almeningsrýmum hjá Evrópuverkefninu WiFi4EU. Opnað verður fyrir umsóknir nú í september, í síðari hluta mánaðarins.

Með almenningsrými, er átt við bókasöfn, heilsugæslustöðvar, söfn og almenningsgarða, svo að dæmi séu tekin. Á síðu verkefnisins eru ítarlegar upplýsingar ásamt leiðbeiningum fyrir umsækjendur, auk þess sem áhugasamir geta skráð sig þar fyrir sjálfvirkum tilkynningum varðandi umsóknarferlið.

Á næstu tveimur árum fara fjórar úthlutanir fram á vegum verkefnisins.

Sæbjörg

bb@bb.is

Athugasemdir

athugasemdir