Nóvember sem nú er að kveðja hefur verið kaldur, sá kaldasti síðan 1996 en þá var mun kaldara en nú. Þetta segir Trausti Jónsson veðurfræðingur á vefsíðu sinni. Hins vegar má segja á mánuðurinn kveðji með nokkrum hlýindum. Meðalhiti var rétt ofan frostmarks í Reykjavík í mánuðinum og um -1,5 stig á Akureyri. Úrkoma í Reykjavík var í rúmu meðallagi, en talsvert ofan þess á Akureyri eða um 40 prósent. Snjór var með meira móti norðanlands og austan og einnig á stöku stað á Vesturlandi, segir Trausti.
Nóvember sker sig nokkuð úr öðrum mánuðum ársins, sem flestir hafa verið hlýir.
smari@bb.is