Óvíst hvort Baldur sigli meira á árinu

Ekki er víst að Breiðafjarðarferjan Baldur sigli meira á þessu ári. Bilun kom upp í aðalvél Baldur fyrir rúmri viku og hefur verið unnið að viðgerð síðan þá. Mat sérfræðinga er að nauðsynlegt er taka vélina úr Baldri og flytja hana á verkstæði Framtaks í Reykjavík. Á Facebooksíðu Sæferða segir að þetta verði gert þar sem ekki reyndist mögulegt að slípa sveifarás vélarinnar um borð og tryggja að hann yrði í lagi þannig eins og stefnt var að. Þetta gerir það að verkum að eitthvað lengri tími mun líða áður en Baldur getur hafið siglingar aftur en rétt að geta þess að einhver tími mun sparast við samsetningu.

Nú eru aðeins eru 5 vikur til áramóta gæti staðan orðið sú að Baldur sigli ekki meira það sem eftir lifir árs. Unnið verður að fullum krafti að viðgerð en um flókið verk er að ræða.

smari@bb.is

Athugasemdir

athugasemdir