Íþróttahátíð í Bolungarvík

Íþróttahátíð Grunnskóla Bolungarvíkur er árlegur viðburður þar sem öllum grunnskólum á Vestfjörðum er boðið að taka þátt.  Hátíðin í ár byrjar kl. 10:00 föstudaginn 27. október í íþróttamiðstöðinni  Árbæ. Keppt er fjölmörgum greinum og stendur keppnin fram undir kvöld. Nemendur þeirra skóla sem taka þátt mynda fjögur lið, þvert á skólana.

Lokapunktur hátíðarinnar er ballið þar sem  sigurvegarar hátíðarinnar verða  krýndir og snappararnir Miðjan munu halda upp stuðinu. Fjölmörg fyrirtæki á svæðinu styrkja íþróttahátíðina. Íþróttahátíðin er hluti af fjáröflun þeirra bekkja sem fara í skólaferðalag í vor og því eru það 9. og 10. bekkur  sem hefur undirbúið hátíðina í ár.

bryndis@bb.is

Athugasemdir

athugasemdir