Bangsadagurinn hefur verið haldinn hátíðlegur á Bókasafninu Ísafirði allt frá árinu 1998 og hefur verið fastur liður hjá Bókasafninu allar götur síðan. Í ár verður bangsadagurinn föstudaginn 27. október og hefst dagskráin kl. 16. Dagskráin verður með svipuðu sniði og vanalega: bangsasögustundin verður á sínum stað, það verður söngstund og börnin fá bangsamyndir til að lita. Að sjálfsögðu verður bangsaleikurinn á sínum stað og möguleiki á að fá bangsa í verðlaun.
Öll börn eru velkomin og eru þau minnt á að taka bangsana með.
smari@bb.is
