Eðlilegt að eldisfyrirtækin greiði auðlindagjald

Björt Ólafsdóttir umhverfisráðherra er flutningsmaður frumvarpsins.

 

„Mín sýn á alla framleiðslu og atvinnuuppbyggingu, hvort sem það er laxeldi eða eitthvað annað, er að starfsemi geti aðeins verið leyfð ef hún stenst kröfur um verndun umhverfis og náttúru,“ segir Björt Ólafsdóttir umhverfisráðherra í fréttaskýringu Fréttatímans um laxeldi á Íslandi.

Ráðherranum þykir eðlilegt að laxeldisfyrirtækin greiði auðlindagjald í ríkissjóð. „Það er líka ljóst að vegna aukinnar kröfu um burðarþol fjarða, að það eru ekki margir staðir eða firðir hér við land þar sem hægt er að stunda fiskeldi í stórum stíl og þannig setur umhverfið slíku eldi náttúrulegar skorður.

En einmitt vegna þess að laxeldi við Ísland verður alltaf takmarkað á þennan hátt finnst mér mjög eðlilegt að ríkið taki auðlindagjald fyrir þessi takmörkuðu gæði, það er þessa fáu firði sem eru nógu djúpir við Ísland til að bera fiskeldið.“

smari@bb.is

DEILA